Faxaflóahafnir

Myndir frá afhendingu verðlauna í
Hugmyndasamkeppni um Gömlu höfnina og Örfirisey

Niðurstöður dómnefndar

Inngangur

Júlíus Vífill Ingvarsson – borgarfulltrúi, formaður stjórnar Faxaflóahafna sf., formaður skipulagsráðs Reykjavíkur,

Dagur B. Eggertsson – borgarfulltrúi, í stjórn Faxaflóahafna sf.,

Sigmundur Davíð Gunnlaugsson – skipulagshagfræðingur,

Ólöf Örvarsdóttir – skipulagsstjóri skipulags- og byggingarsviðs Reykjavíkurborgar,

Gísli Gíslason – hafnarstjóri Faxaflóahafna sf.

Vignir Albertsson – skipulagsfulltrúi Faxaflóahafna sf.,

Margrét Leifsdóttir – arkitekt á skipulags- og byggingarsviði Reykjavíkurborgar,

Þorvaldur S. Þorvaldsson – arkitekt FAÍ,

Ásdís Ingþórsdóttir – arkitekt FAÍ.

• að tillagan sé sett fram með skýrum hætti og endurspegli hugmynd þátttakanda
• að tillagan taki mið af framtíðarsýn Faxaflóahafna sf.
  • þar sem dregnir eru fram fjölbreytilegir kostir  hafnarsvæðisins,
  • þar sem sóknarfæri til þróunar og uppbyggingar eru nýtt,
  • þar sem létt hafnarstarfsemi eflist,
  • þar sem áfram verður gert ráð fyrir aðstöðu til útgerðar og fiskvinnslu,
  • þar sem Gamla höfnin verður atkvæðameiri hluti miðbæjarins, og bent sé á leiðir til að fegra og auðga mannlífið,
  • þar sem gera má ráð fyrir fjölbreyttri landnotkun,
• að í tillögunni felist stefna í þróun atvinnustarfsemi og íbúðarbyggðar á svæðinu,
• að tillit sé tekið til sögu og sögulegra minja svæðisins,
• að tillagan taki mið af náttúru- og veðurfari á svæðinu,
• að umhverfisgæði verði höfð að leiðarljósi,
• að áfangaskipting tillagna sé skýr,
• að hver áfangi geti staðið sjálfstætt og án seinni áfanga,
• að samgöngumál séu leyst í takti við tillöguna.

Endurspeglar tillagan hugmynd þátttakanda og er hún skýrt sett fram?

Tekur tillagan mið af framtíðarsýn Faxaflóahafna?

Felst í tillögunni stefna í þróun atvinnustarfsemi og íbúðarbyggðar?

Er tekið tillit til sögu og sögulegra minja?

Tekur tillagan mið af náttúru- og veðurfari og eru um-hverfisgæði höfð að leiðarljósi?

Er áfangaskipting skýr og eru áfangar sjálfstæðar einingar?

Eru samgöngumál leyst í takt við tillögu?

---

 

 

Niðurstaða

Dómnefnd er einhuga um þessa niðurstöðu:

 

Fyrstu verðlaun, kr. 7.500.000:

Tillaga nr. 4, auðkenni 12116.

 

Önnur til þriðju verðlaun, kr. 2.000.000:

Tillaga nr. 9, auðkenni, 09209.

Tillaga nr. 10, auðkenni, 19170.

 

Athyglisverð tillaga / innkaup, kr. 500.000:

Tillaga nr. 5, auðkenni 13137.

 

Dómnefnd telur eftirsóknarvert að höfundar verðlaunatillögu fái tækifæri til að vinna nánar með ábendingar og athugasemdir dómnefndar í samstarfi við verkkaupa og skipulagsyfirvöld Reykjavíkurborgar með það að markmiði að tillagan nýtist við endurskoðun aðalskipulags á þessu svæði.

 

---

Tillaga nr. 1 – auðkenni 51991

 Gamla höfnin – andlit Reykjavíkur

 

Höfundar:

 

Birgir Bratti Halldórsson

Jón Rafnar Benjamínsson

Svava Þorleifsdóttir

 

Umsögn

 

Meginhugmynd tillögunnar er sett fram með þremur hringum sem skilgreina starfsemi, stemningu og landnotkun umhverfis höfnina. Hugmynd höfunda um samspil nýrrar byggðar, skerja og hólma við mismunandi sjávarstöðu er áhugaverð. Í greinargerð kemur fram áhersla á að móta nýjan bæjarhluta í Örfirisey. Við útfærslu teygir íbúðarbyggð sig fram á hafnarbakkana og ryður burt núverandi byggingum og athafnastarfsemi við höfnina. Nýr bæjarhluti virðist í litlum tengslum við núverandi byggð í miðbænum. Göngusvæðið sem umlykur höfnina er heldur umfangsmikið og í útfærslu þess virðist ekki tekið tillit til mismunandi sjávarstöðu.

 

Framsetning er áferðarfalleg og endurspeglar hugmynd höfunda.

Starfsemi slippsins er haldið áfram og er það í ósamræmi við aðra hluta tillögunnar um að útgerð og athafnastarfsemi víki fyrir íbúðarbyggð fram á hafnarbakkann í Vesturhöfn. Þessi skipan samræmist ekki framtíðarsýn Faxaflóahafna.

Ekki eru lagðar fram tillögur að uppbyggingu eða þróun atvinnustarfsemi sem styrki höfnina sem lifandi útgerðarhöfn.

Ekki er sérstaklega gerð grein fyrir tengslum hug- mynda við sögu og sögulegar minjar.

Ekki er sérstaklega fjallað um náttúru- og veðurfar.

Ekki eru settar fram tillögur um áfangaskiptingu.

Á teikningu eru sýnd op fyrir stokk frá Sæbraut að Ánanaustum en að öðru leyti er ekki fjallað um lausnir í samgöngumálum.

 

 

---

Tillaga nr. 2 – auðkenni 41155 

Í öruggri höfn

 

Höfundar:

 

ARKITEÓ     ADEPT

Einar Ólafsson               Martin Laursen

 

Vinnsla ARKITEÓ:         Martin Krogh

Gunnar Sigurðsson    Anders Lonka

 

Vinnsla ADEPT:

Umut Üsüdür

Joanna Bastos

Constantine Miroshnychenko

Javier Lopez-Soldado

Karolina Haczynska

Tatyana Eneva

 

Umsögn

 

Höfundar setja fram fjögur meginatriði, sem eru skjólmyndun og gerð síkja, hámörkun umhverfisþátta, fjölbreyttir sjávarkantar og virðing við söguna. Út frá þessum gefnu forsendum er tillagan ýtarlega unnin. Við útfærslu missa höfundar sjónar á helstu áhersluatriðum samkeppninnar sem eru að tengja miðborg og höfn og styrkja þá starfsemi sem fyrir er í höfninni. Þess í stað verður höfnin umgjörð um menningarstarfsemi og bakland fyrir nýtt sjálfstætt hverfi í borginni sem tekur lítið mið af núverandi byggð. Við gerð þessa hverfis leggst núverandi byggð í Örfirisey af, og að auki eru búin til síki þar sem nú er land.

 

Meginatriði komast vel til skila í greinargóðri framsetningu.

Tillagan tekur lítið mið af framtíðarsýn Faxaflóahafna eins og hún er sett fram í keppnislýsingu. Menningar- og verslunarás uppfyllir ekki þá ósk sem sett er fram um aukin tengsl miðbæjarins við hafnarsvæðið.

Gert er ráð fyrir að á svæðinu þróist blönduð atvinnu-starfsemi og sjálfstæð íbúðarbyggð sem er aðskilin frá miðbænum.

Höfundum hefur ekki tekist að tengja tillögu sína við sögu og sögulegar minjar.

Lausnir til skjólmyndunar og varna gegn sjávargangi eru höfundum ofarlega í huga í greinargerð og skila sér vel í útfærslu tillögunnar. Skoða hefði þurft sólarhæð og skuggamyndun í því samhengi.

Ágætlega er gerð grein fyrir áfangaskiptingu.

Fjallað er um göng frá Sæbraut í Örfirisey en ekki sýnd nánar á teikningum. Að öðru leyti er ágætlega gerð grein fyrir umferð á svæðinu, bæði gangandi og akandi, en lítið er tekið á tengslum hafnar og miðbæjar.

 

 

---

Tillaga nr. 3 – auðkenni 12652

Gamla höfnin og Örfirisey

 

Höfundar:

 

Kanon arkitektar ehf.

Teiknistofan Tröð ehf.

MFF ehf.

 

Vinnuhópur:

 

Starfsmenn Kanon arkitekta, Teiknistofunnar Traðar,

MFF ehf., H2H hönnunar, eitt A innanhússarkitekta

 

Anna Sóley Þorsteinsdóttir, arkitekt FAÍ

Halldóra Bragadóttir, arkitekt FAÍ

Helga Bragadóttir, arkitekt FAÍ

Helgi B. Thóroddsen, arkitekt FAÍ

Þorkell Magnússon, arkitekt FAÍ

Þórður Steingrímsson, arkitekt FAÍ

Hans-Olav Andersen, arkitekt FAÍ / MNAL

Laufey Agnarsdóttir, arkitekt FAÍ

Sigríður Magnúsdóttir, arkitekt FAÍ

Sveinn Bragason, arkitekt

Birkir Einarsson, landslagsarkitekt FÍLA

Borgar H. Árnason, grafískur hönnuður FÍT

Hany Hadaya, grafískur hönnuður FÍT

Dóra Hansen, innanhússarkitekt FHÍ

Heiða Elín Jóhannsdóttir, innanhússarkitekt FHÍ

Þóra Birna Björnsdóttir, innanhússarkitekt FHÍ

 

Ráðgjöf:

Jóhann Sigurjónsson, sjávarlíffræðingur

Þorleifur Friðriksson, sagnfræðingur

 

Umsögn

 

Höfundum tekst með ágætum að ná fram þeim meginmarkmiðum sem þeir setja fram: „Gamla höfnin og Örfirisey verður nútímalegur borgarhluti iðandi mannlífs og fjölbreyttra at-   vinnuvega með sjálfbæra þróun, byggða á sögulegum grunni til komandi kynslóða.“

Á sama tíma svarar tillagan ekki nægjanlega vel því markmiði samkeppninnar að gera Gömlu höfnina að atkvæðameiri hluta miðbæjarins. Í stórum dráttum er stuðst við fyrirliggjandi deiliskipulag fyrir Mýrargötu- og TRH-reiti en dómnefnd setur spurningarmerki við staðsetningu og útfærslu samgöngumiðstöðvar sem lögð er til í Lækjargötu.

 

Miðað við markmið höfunda er tillagan skýrt fram sett og kemur til skila megin-áhersluatriðum.

Hafnsækinni starfsemi er viðhaldið og hún styrkt með baklandi nýrrar byggðar og tengdri starfsemi, svo sem sölumarkaði, vísinda- og sædýrasafni og Húsi hafsins. Nýr hafnarkantur og ferðamannaþjónusta austan við Tónlistar- og ráðstefnuhús er góð hugmynd og eykur líf í miðborginni, en nokkru meira bakland þarf fyrir slíka starfsemi en sýnt er. Þannig svarar tillagan framtíðarsýn Faxaflóahafna á vissum sviðum.

Sett er fram metnaðarfull stefna um þróun fjölbreyttrar atvinnustarfsemi á svæðinu. Útfærsla íbúðarbyggðar í Örfirisey er í litlu samhengi við nærliggjandi byggð í miðbænum.

Lögð er áhersla á varðveislu sögulegra minja á svæðinu.

Í greinargerð er tekið fram að staðardagskrá 21 skuli höfð að leiðarljósi við uppbyggingu svæðisins en að öðru leyti er ekki gerð nægjanleg grein fyrir tilliti til náttúru- og veðurfars á svæðinu.

Sýnd er skýr áfangaskipting í tveim hlutum.

Ekki er tekist á við raunverulegan vanda við bílaumferð á svæðinu. Samgöngumiðstöð fyrir höfuðborgarsvæðið er sett niður í Lækjargötu. Höfundur sýnir ekki lausn á þeim umferðarvanda sem óhjákvæmilega fylgir samgöngumiðstöð í hjarta miðborgarinnar.

 

 

---

Tillaga nr. 4 – auðkenni 12116 

Eyjar og sund

 

Höfundar:

 

Graeme Massie Architects

Edinborg, Skotlandi

 

Teymi:

 

Graeme Massie

(stjórnandi og aðalhönnuður)

Robin Sutherland

 

Samstarfsaðili á Íslandi:

 

Alta ehf.

 

Teymi:

 

Matthildur Kr. Elmarsdóttir

Hrafnkell Proppé

Árni Geirsson

 

Umsögn

 

Höfundar setja fram kraftmikla, myndræna og formfasta tillögu sem við nánari skoðun rúmar mikinn sveigjanleika til aðlögunar við núverandi byggð og skipulagshugmyndir.

Lögð er áhersla á að göng undir hafnarmynnið losi umferð frá Geirsgötu / Mýrargötu þannig að miðbærinn fái að „fljóta“ niður að hafnarsvæðinu. Með því ná höfundar að uppfylla annað af meginmarkmiðum samkeppninnar – að styrkja tengsl miðbæjar og hafnar.

Hugmynd að legukanti á fyllingu fyrir millistór skemmti-ferðaskip á D-reit austan Tónlistarhúss er áhugaverð. Á fyllingunni er gert ráð fyrir þjónustuhúsi fyrir ferðamenn og hótelbyggingu sem tengir tónlistarhúsið til austurs við borgarmyndina í heild og myndar skjól fyrir norðan- og norðvestanátt inn í Lækjargötu. Ljóst er að þjónusta við skemmtiferðaskip þarf meira bakland en sýnt er. Við nánari útfærslu þarf í samvinnu við hagsmunaaðila að athuga sérstaklega hugmynd höfunda um nýjan stað fyrir hótel austan við Tónlistar- og ráðstefnuhús, þar sem þessi breyting hefur töluverð áhrif á heildarmynd svæðisins. Önnur svæði þurfa frekari útfærslu, svo sem Ægisgarður og Mýrargötu- og slippasvæði. Slippnum er haldið inni en nálægð byggðar þarf að endurskoða.

Gert er ráð fyrir að olíubirgðastöð verði áfram á sínum stað en til lengri tíma litið sjá tillöguhöfundar fyrir sér að hægt væri að nota svæðið fyrir byggð.

Sundlaug á Ægisgarði í innhöfninni miðri er lífleg viðbót við svæðið og heimsókn þangað gæti verið einstök upplifun.

 

Framsetning er skýr og kemur heildarsýn höfunda vel til skila. Hún er studd einföldum en innihaldsríkum skýringarmyndum.

Framtíðarsýn Faxaflóahafna er vel svarað í öllum meginatriðum. Skýr skil eru á milli blandaðrar byggðar þar sem saman rúmist íbúðarhúsnæði, athafna- og iðnaðarhúsnæði og vettvangur fyrir menningu og viðskipti.

Í tillögunni felst markviss stefna um þróun og uppbyggingu atvinnustarfsemi og íbúðarbyggðar á svæðinu.

Tillit er tekið til sögu og sögulegra minja, meðal annars með skírskotun til eldra skipulags þar sem götur enda í bryggjum. Gerð er athugasemd við að hluti verndaðra verbúða í Örfirisey víki.

Náttúru- og veðurfari eru gerð skil í skýringarmynd um form bygginga með tilliti til skjólmyndunar og dagsbirtu. Hugmyndin nær í heild ágætlega markmiðum samkeppninnar um umhverfisgæði. Huga þarf betur að stærð opinna svæða og skjólmyndun á þeim.

Ekki er um hreina og klára áfangaskiptingu að ræða heldur gengið út frá því að svæðið fái að þróast smám saman í það horf sem lagt er til.

Samgöngumálum eru gerð góð skil með texta og í skýringarmyndum.

 

 

---

Tillaga nr. 5 – auðkenni 13137

Reykjavíkurhöfn - tillaga að endurheimt og endurnýjun hafnarsvæðis

 

Arkitektar:

 

Arkibúllan ehf.

Hjördís Sóley Sigurðardóttir, arkitekt

Hólmfríður Jónsdóttir, arkitekt FAÍ

Hrefna Björg Þorsteinsdóttir, arkitekt FAÍ

 

Landslagsarkitektar:

 

Landslag ehf.

Dagný Bjarnadóttir, landslagsarkitekt

 

Samstarf:

 

Róbert Þór Haraldsson, landslagsarkitekt

og grafískur hönnuður

Sif Pálsdóttir, landslagsarkitekt

 

Myndlistarmenn:

 

Berghall

Anna Hallin, MFA

Olga S. Bergmann, MFA

 

Aðstoð og innblástur veittu:

 

Auður Þórhallsdóttir, ljósmyndari

Árni Bergmann, rithöfundur

Birta Þórhallsdóttir, nemi

Hjálmar Sveinsson, heimspekingur

Matthías Löve, nemi

 

Umsögn

 

Í tillögunni er tekið á ýmsum áhugaverðum þáttum en skýra yfirsýn vantar. Athyglisvert er hvernig höfundar nýta gamlan vegbút á 3. hæð Tollhússins sem grunn að gönguleið meðfram Miðbakkanum (græna leiðin) auk hafnarstígs sem einnig svífur að hluta til yfir svæðið. Ekki er hægt að sjá að þessar göngu-leiðir bæti tengingar miðbæjarins við höfnina, sem er eitt af meginmarkmiðum samkeppninnar. Hugmynd um göngubrú, áningarstað og sjóbað vestur af svæðinu samræmist ekki gefnum forsendum um veðurfar og sjólag. Gert er ráð fyrir að starfsemi slippsins haldist og er áhugavert og sannfærandi hvernig hann er skilinn með síki frá nærliggjandi byggð.

 

Tillagan er sett fram á skýran hátt og stemningsmyndir skemmtilegar og viðeigandi.

Framtíðarsýn Faxaflóahafna hefur verið höfundum hugleikin og gert er ráð fyrir að hafnarstarfsemi haldist nánast óbreytt.

Fyrir utan byggingar fyrir „farfugla“ í Örfirisey er ekki gert ráð fyrir þróun íbúðarbyggðar á svæðinu.

Tekið er tillit til sögu og sögulegra minja með skírskot-un í sögu svæðisins í útfærslu tillögunnar.

Ekki virðist sérstaklega tekið tillit til náttúru- og veðurfars.

Ekki er fjallað um áfangaskiptingu.

Segja má að samgöngumál séu óhreyfð enda forsendur óbreyttar – gefið er í skyn að Geirsgata og Mýrargata geti orðið að breiðgötu en ekki er gerð nánari grein fyrir því.

 

---

Tillaga nr. 6 – auðkenni 25080

Reykjavíkurhöfn

 

Höfundar:

 

Magnús Freyr Gíslason, arkitekt MAA

Rúnar Halldórsson

 

Umsögn

 

Tillögunni er skipt upp í fjögur meginsvæði sem hvert og eitt hefur sitt sérkenni. Gert er ráð fyrir íbúðarbyggð niður að sjó og út á bryggjur í Vesturhöfn og á Mýrargötusvæði en Listaháskóla, hóteli og annarri ferðamannaþjónustu fram á Miðbakka. Þessi útfærsla tekur lítið mið af meginmarkmiði samkeppninnar um að viðhalda hafnarstarfsemi í höfninni sem lifandi höfn og auka tengsl miðborgarinnar við hafnarsvæðið.

 

Tillagan er ágætlega skýr miðað við forsendur höfundar en texti hennar er ekki nægjanlega vandaður.

Tillagan tekur lítið tillit til þeirra þátta í framtíðarsýn Faxaflóahafna sem lúta að áframhaldandi sjávarútvegsstarfsemi í höfninni.

Hugmynd um þróun atvinnustarfsemi og íbúðarbyggðar er óraunhæf.

Ekki virðist tekið tillit til sögu eða sögulegra minja hafnarsvæðisins.

Hvorki er fjallað sérstaklega um náttúru- og veðurfar né umhverfisgæði.

Áfangaskiptingu eru ekki gerð skil.

Tillaga um stokk undir Mýrargötu sýnir ekki hvernig auka megi tengsl miðbæjarins við hafnarsvæðið í heild, sem er þó eitt af markmiðum samkeppninnar.

 

---

Tillaga nr. 7 – auðkenni 43765

 Litur og ljós

 

Carsten Trojan dipl.-ing. Architekt

Þýskalandi

 

Ráðgjöf og þýðing:

 

Sigrún Guðjónsdóttir

 

Umsögn

 

Hugmyndir um liti og ljós eru skemmtilega fram settar og koma meðal annars fram í litríkri áferð olíutankanna, en eru að öðru leyti í litlu samhengi við inntak tillögunnar. Markmið samkeppninnar um að tengja miðborgina betur við höfnina og viðhalda starfsemi hennar sem lifandi útgerðarhafnar nást ekki. Gert er ráð fyrir stokk framan við hafnarmynnið til að anna auknu umferðarflæði vegna nýrrar byggðar en ekki er að sjá að tengsl milli miðbæjar og hafnar eflist. Hugmynd um móttöku stórra skemmtiferðaskipa í Örfirisey er ekki góð með tilliti til náttúru- og veðurfars. Tillagan er í heild sinni óraunhæf sem rammi um uppbyggingu við Gömlu höfnina í Reykjavík.

 

Á margan hátt er tillagan skýrt sett fram en skýringar-myndir eru ekki til þess fallnar að varpa ljósi á inntak hennar og stemningsmyndir eru framandi reykvísku andrými.

Ekki er tekið tillit til þeirra áhersluatriða sem sett eru fram í framtíðarsýn Faxaflóahafna um lifandi athafna-höfn þar sem áfram sé stunduð útgerð og fiskvinnsla.

Slippnum og annarri starfsemi í Suðurbugt er haldið og er það áhugavert en í ósamræmi við að ekki er gert ráð fyrir annarri hafnarstarfsemi á svæðinu. Hugmynd um útsýnisturn á Ægisgarði er nokkuð yfirdrifin.

Lítið tillit er tekið til sögu og sögulegra minja svæðisins.

Ekki er að sjá að tillöguhöfundar geri sér grein fyrir   sjávarföllum við útfærslu hafnarbakka.

Settar eru fram hugmyndir um mögulega áfanga-skiptingu.

Samgöngumál eru leyst með stokk undir hafnarmynnið og á hann að anna aukinni umferð vegna íbúðar byggðar. Settar eru fram áhugaverðar hugmyndir um stýringu umferðar.

 

 

---

Tillaga nr. 8 – auðkenni 13749

 

Tillagan er sett fram með skýrum hætti og endurspeglar hún hugmynd þátttakenda, en í henni er ekkert fjallað um þau atriði sem óskað er eftir í keppnislýsingu um Gömlu höfnina ásamt Örfirisey í Reykjavík.

Stórtækar hugmyndir um eyjabyggð í og við Reykjavík eiga fátt sameiginlegt með þeirri samkeppni sem hér um ræðir.

Tillögunni er í megindráttum ekki skilað í samræmi við keppnislýsingu og verður því ekki nánar fjallað um hana í niðurstöðu dómnefndar.

 

 

---

Tillaga nr. 9 – auðkenni 09209 

Hlutverk hafnarinnar fléttast saman

 

Höfundar:

 

Björn Ólafs arkitekt

François Perrot arkitekt

 

Ráðgjafi vegna landfyllingar:

Gunnlaugur Kristjánsson

 

Umsögn

 

Tillagan er einföld og skýr sem „hugmyndaskipulag“ eða „rammaskipulag“. Í henni eru skilgreind þrjú meginsvæði hafnarinnar sem hjarta miðborgarinnar, miðstöð ferðamannaþjónustu og fiskihöfn og sýnt hvernig þessi svæði fléttast saman. Gegnumumferð er sett í stokk út fyrir hafnarmynnið og á hann að anna aukinni umferð vegna hugsanlegra fyllinga og íbúðarbyggðar. Lagt er til að sjón- og göngulínum sé haldið út þær götur sem vísa niður að hafnarsvæðinu frá núverandi byggð.

 

Framsetning er einföld og skýr og endurspeglar vel hugmynd höfundanna.

Tekið er tillit til framtíðarsýnar Faxaflóahafna þar sem Gamla höfnin verður atkvæðameiri hluti miðbæjarins og gera má ráð fyrir fjölbreyttri landnotkun.

Í tillögunni felst góð blanda atvinnustarfsemi og íbúðarbyggðar í Örfirisey og við hana, og er skýrt afmörkuð. Hugmynd um landfyllingar er nokkuð stórtæk.

Segja má að tekið sé tillit til sögu og sögulegra minja með því að viðhalda að mestu þeirri starfsemi sem á svæðinu er.

Sérstakt tillit er tekið til náttúru- og veðurfars við ákvörðun um legu og form fyllinga.

Áfangaskiptingu eru gerð góð skil með fjórum áföng-um.

Í tillögunni eru samgöngumálum gerð ýtarleg skil.

 

 

---

Tillaga nr. 10 – auðkenni 19170 

Perlur Reykjavíkurhafnar

 

Höfundar:

 

ASK Arkitektar ehf.

 

Þorsteinn Helgason, arkitekt FAÍ

Gunnar Örn Sigurðsson, arkitekt FAÍ

Páll Gunnlaugsson, arkitekt FAÍ

Valdimar Harðarson, arkitekt FAÍ

 

Umsögn

 

„Perlur Reykjavíkurhafnar“ leika lykilhlutverk en þær eru mismunandi torg umhverfis hafnarsvæðið og tengjast með göngubrú yfir hafnarmynnið. Þannig er mynduð áhugaverð gönguleið umhverfis höfnina. Tillagan er skemmtilega fram sett með 15 markmiðum, en við útfærslu hafa nokkur af þessum markmiðum glatast. Bryggja og legukantur fyrir skemmtiferðaskip austan Tónlistarhúss er leyst á áhugaverðan hátt en slík starfsemi þarf meira bakland.

Í heild er ekki tekið mið af því markmiði samkeppninnar að áfram verði gert ráð fyrir útgerð og fiskvinnslu í höfninni. Til framtíðar er gert ráð fyrir að byggja megi eyjaklasa á fyllingum umhverfis Örfirisey og í Eiðisvík og allt að Seltjarnarnesi. Umfang byggðar á fyllingum er nokkuð yfirdrifið og vafasamt er að setja íbúðarbyggð á fyllingar norðan og austan við eyna.

 

Tillagan endurspeglar á skýran hátt hugmyndir höf- unda.

Lítið tillit virðist tekið til framtíðarsýnar Faxaflóahafna um athafnahöfn en þess í stað lögð áhersla á ýmiss konar menningar-, þjónustu-, og ferðamannastarfsemi. Atvinnustarfsemi í Örfirisey er breytt í þjónustusvæði fyrir íbúðarbyggð.

Tillagan sýnir þróun íbúðarbyggðar og tengda þjónustu.

Torgin eru skemmtileg tenging við sögu og minjar svæðisins en huga þarf frekar að afmörkun þeirra og útfærslu.

Skerjamyndun utan við nokkuð miklar fyllingar er til þess fallin að bæta sjólag við þær. Þá myndar ný byggð skjól fyrir Vesturbæinn.

Áfangaskiptingu eru ekki gerð skil.

Gert er ráð fyrir göngum frá Sæbraut að Ánanaustum til að þjónusta nýtt íbúðahverfi.

 

---

Tillaga nr. 11 – auðkenni 52937

Höfundar:

 

Eva Schønnenmann

 

Ráðgjafi:

 

Hildur Gunnlaugsdóttir

 

Umsögn

 

Greinilegt er að höfundur hefur lagt töluverða vinnu í hina smáu og fíngerðu þætti en nokkuð vantar á heildarsýn tillög-unnar. Formgerð bygginga er megininntak tillögunnar en óraunhæf stærð og gerð íbúðarbyggðar í Örfirisey og ómarkviss hringlaga bygging og húsalengjur við Mýrargötu eru tillögunni ekki til framdráttar.

 

Framsetning tillögunnar er nokkuð litlaus og sundurleit.

Gert er ráð fyrir að hafnarstarfsemi haldist í bland við aðra starfsemi, svo sem Listaháskóla og skrifstofur.

Segja má að í tillögunni felist stefna um þróun at-    vinnustarfsemi en með óhefðbundnum og óljósum hætti.

Gert er ráð fyrir að saga svæðisins haldist með því að byggt er „ofan“ á það sem fyrir er.

Hvorki er hugað sérstaklega að náttúru- og veðurfari né umhverfisgæði höfð að leiðarljósi.

Áfangaskiptingu í fjórum þrepum er lýst í skýringar-myndum.

Gert er ráð fyrir göngum úti fyrir hafnarmynni sem lausn í samgöngumálum, en að öðru leyti ekki gerð frekari grein fyrir þeim.

 

Í B-hluta samkeppninnar bárust 39 tillögur og ein tillaga úr A-hluta var færð í B-hluta. Nokkrum tillögum var skilað inn á ensku og ákvað dómnefnd á fyrsta fundi sínum að láta þann annmarka ekki verða til þess að tillögurnar yrðu dæmdar úr leik. Dómnefnd þótti frískandi að sjá hversu fjölbreyttar og áhugaverðar hugmyndir komu fram og hvað framsetningin var margbreytileg. Meginmarkmið með B-hluta samkeppninnar var að fá fram hugmyndir sem mætti nýta til þess að auðga hinar eiginlegu skipulagshugmyndir fyrir svæðið og kom það því dómnefnd nokkuð á óvart hversu margar skipulagstillögur var að finna í B-hlutanum. Dómnefnd sér fyrir sér að ýmsar af þeim hugmyndum sem þar koma fram muni nýtast við áframhaldandi vinnu við skipulag svæðisins.

 

Líkt og í A-hluta greindust tillögurnar fljótlega í þrjá ólíka flokka:

 

Tillögur sem skilgreina mætti sem skipulagstillögur.

Tillögur þar sem sett er fram ein ákveðin hugmynd.

Tillögur sem flokka mætti sem umhverfislistaverk.

 

 

Að lokinni heildaryfirferð í B-hluta var ákveðið að veita samtals átta verðlaun í tveim flokkum og eru verðlaunatillögurnar þessar:

 

 

---

Verðlaunaðar tillögur

 

Kr. 300.000

 

Tillaga nr. 23 – auðkenni 57802

 Segull

Stafrænt gagnvirkt umhverfislistaverk við Gömlu höfnina.

 

Gagnvirkt listaverk sem byggist á hugmyndum um notandaviðmót í rými, LED-skjái, hátalara, gagnvirkni og tölvukerfi og er fyrst og fremst hugsað fyrir slippa-svæðið. Miðilinn má nota til að miðla upplýsingum frá almenningi, koma á framfæri skilaboðum eða spegla stund og stað. Einnig má útfæra listviðburði með miðlinum. Hægt að útfæra á ýmsa vegu, stórt eða smátt. Nafnið Segull er tilvísun í verslunina sem stóð við Mýrargötu og þjónustaði skipaflotann í mörg ár.

Áhugaverð og faglega útfærð hugmynd.

 

Höfundar:

Strandcats - New Media and Landscaping (Danmörk)

Ásta Olga Magnúsdóttir

Hilke Kristina Zielbauer

 

Tillaga nr. 26 – auðkenni 36812

Óður til hafsins

Skipulagstillaga fyrir Miðbakkann.

 

Skemmtileg útfærsla á húsi yfir fisk- og kjötmarkað á Miðbakka þar sem smábátar geta siglt inn með afurðir. Einnig er gert ráð fyrir sundlaug og sjóböðum, „Húsi hafsins“ með sædýrasafni og sýningu um sögu fiskveiða og -vinnslu. Er það skemmtileg viðbót við svæðið.

Fallega og faglega útfærð lítil skipulagstillaga.

 

Höfundur:

Ragnhildur Ingólfsdóttir, arkitekt

Aðstoð veittu:

Selma Reynisdóttir, tækniteiknari

Sverrir Ásgeirsson, hönnuður

 

Tillaga nr. 29 – auðkenni 29109

Graffiti Grandi

Skreyting olíutanka

 

Grafittí-listamenn fá að tjá sig á sjö útvöldum olíutönkum. Skemmtilegar ljósmyndir af tönkunum eins og þeir gætu litið út eftir listræna „meðferð“. Hugmynd sem nýta má strax.

Framsetning er frjálsleg og lifandi.

 

Höfundur:

Kolbeinn Stígsson

 

 

Tillaga nr. 48 – auðkenni 34170

Kennileiti að veröld

Skipulagstillaga fyrir Reykjavík

 

Stórtæk skipulagstillaga sem tekur ás frá Hallgrímskirkju og út í sjó að „hlýrri ísparadís“. Höfundur eltir landslagið í borg- inni og setur fram tillögu um grænan borða sem leikur sér um dali borgarinnar. Stórtæk og fallega framsett tillaga sem eflir ímyndunaraflið um tengsl milli borgarhluta.

 

 

Höfundur:

Sunay Erdem, landslagsarkitekt

Gunay Erdem, arkitekt

Aðstoð veittu:

Didar Aygun

Guðmundur Benediktsson

 

 

---

Kr. 200.000

 

 

Tillaga nr. 30 – auðkenni 90509 Leikvöllur á Granda

Leikvöllur á Granda

og lágmynd af svæðinu

 

Tillaga að leikvelli með sjóræningjaskipi á Miðbakka ásamt
líkani af hafnarsvæðinu (svipuðu og Íslandslíkaninu í Ráðhúsi Reykjavíkur). Greinarmunur gerður á þrívíðu og tvívíðu samhengi, sumt málað á jörðina en skipið er í þrívídd og fullt af ævintýrum.

Framsetning frjálsleg en skýr.

 

Höfundur:

Valgerður Hjaltalín

 

Tillaga nr. 34 – auðkenni 89699

Hafnargarður

Leikvöllur á Norðurbakka

 

Hugmynd um hafnargarð á Norðurbakka sem þróaðist út frá hugmynd um bátabíó. Garðurinn er fjölnota, einskonar fjölskyldu- og hafnargarður (ekki fjölskyldu- og húsdýragarður). Svið, grill, leiktæki, garður sem nota má allan ársins hring.

Hugmyndinni komið vel og skýrt til skila, meðal annars með ljósmyndum af stemningu.

 

Höfundar:

Ásdís Nína Magnúsdóttir

Eyrún Engilbertsdóttir

 

Tillaga nr. 36 – auðkenni 55119
Leikir

Samantekt leikja sem búnir voru til á hafnarsvæðinu

 

Hópur ungmenna fór um svæðið og bjó til leiki sem teknir voru saman í hefti með ljósmyndum og skýringum. Notast var við svæðið eins og það er og leikir unnir út frá leikmunum („props“) sem til féllu. Frjó hugsun og leikir á hverju strái ef vel er að gáð.

Framsetning nokkuð óskýr á köflum.

 

Höfundar:

Nemendur í Myndlistarskólanum í Reykjavík

 

Tillaga 59 – auðkenni 10110

 

Lýsing síðdegis á Miðbakkanum. Sundsprettur og keypt í matinn þar sem aflinn kemur að landi. Lýsing á breytingu svæðisins frá því samkeppnin var haldin – ljóðræn sýn úr framtíðinni.

Einföld og falleg tillaga.

 

Höfundur:

Anna María Bogadóttir

 

---

Höfundar annarra tillagna í B-hluta:

 

Tillaga: 12

Auðkenni 16340

                        Björn Kristinsson

                        Medró-hópur verkfræðideildar HÍ:

                        Birgir Jónsson

                        Sigurður Erlingsson

                        Þorsteinn Þorsteinsson

 

Tillaga: 21

Auðkenni: 27069

                        Emma Guðrún Heiðarsdóttir

 

Tillaga: 22

Auðkenni: 50862

                        Sindri Snær Harðarson

 

Tillaga: 24

Auðkenni: 04089

                        Þórður Ingi Jónsson

 

Tillaga: 25

Auðkenni: 23049

                        Aron Breki Jónasson

 

Tillaga: 27

Auðkenni: 12345

                        Þröstur Söring

 

Tillaga: 28

Auðkenni: 31007

                        Birgir Jóhannsson, arkitekt

 

Tillaga: 31

Auðkenni:  86468

                        Freyja Önundardóttir

 

Tillaga: 32

Auðkenni: 82769

                        Þröstur Þórsson

 

Tillaga: 33 

Auðkenni: selur369

                        Torfi Hjartarson

 

Tillaga: 35

Auðkenni: 30079

                        Ragnhildur Alda M.V.

 

Tillögur: 37–42

Auðkenni: 72608–72613

                        Brynja Ríkey Birgisdóttir

 

Tillaga: 43

Auðkenni: 14281

                        Ólafur Baldvin Jónsson

                       

Tillaga: 44

Auðkenni: 31089

                        Ásgerður Heimisdóttir

 

 

Tillaga: 45

Auðkenni: 54321

                        Adam Einar Hildarson

 

Tillaga: 46 

Auðkenni: 11111

                        Elísabet Rún Þorsteinsdóttir

 

Tillaga: 47

Auðkenni: 55555

                        Halla Einarsdóttir

 

Tillaga: 49

Auðkenni: 40403

                        Tanja Jordan Arkitekter aps.

                        Hrafnkell Birgisson design

                        Employees:

                        Tanja Jordan, arkitekt,

                        Hrafnkell Birgisson, design

                        Maria Ahn Walther, arkitekt

                        Consultants:

                        Brynhildur Pálsdóttir

                        Theresa Himmer

                        Þóra Valsdóttir

 

Tillaga: 50

Auðkenni: 46331

                        Fríða Sigurðardóttir arkitekt FAÍ

                        Jóhann Sigurðsson arkitekt FAÍ

 

Tillaga: 51

Auðkenni / ID: 88888

                        Þorleifur Friðriksson

 

Tillaga: 52

Auðkenni: 58177

                        Dýrfinna Benita Garðarsdóttir

 

Tillaga: 53

Auðkenni : 11211

                        Brynjar Helgason

 

---

Eftirfarandi tillögur voru unnar á námskeiðinu „Byggðarskipulag“ við Umhverfis- og byggingarverkfræðideild HÍ haustið 2008.

Umsjónarkennarar voru:

                        Trausti Valsson,
                        prófessor í skipulagsfræðum

                        Guðmundur Freyr Úlfarsson,
                        prófessor í samgöngufræðum

 

Tillaga: 54

Auðkenni: 53782

Þátttakendur:

                        Ainara Casajús Vallés (Spáni)

                        Katrín Sóley Bjarnadóttir (Íslandi)

                        Sara Gustavsson (Svíþjóð)

                        Mario Rodas Talbot (Ekvador)

 

Tillaga: 55

Auðkenni: 75132

Þátttakendur:

                        Moa Midböe (Svíþjóð)

                        Natalie Breton (Frakklandi)

                        Sébastien Fruleux (Frakklandi)

                        Lukáš Pospíšil (Tékklandi)

 

Tillaga: 56

Auðkenni: 47318

Þátttakendur:

                        Albert Catalá i Rovirosa (Spáni)

                        Magalie Mollard (Frakklandi)

                        Óskar Gísli Sveinsson (Íslandi)

 

Tillaga: 57

Auðkenni: 12345

Þátttakendur voru:

                        Kjartan Due Nielsen (Íslandi)

                        Marie Erlandsson (Svíþjóð)

                        Marie-Léonie Mortamet (Frakkland)

                        Oskar Garcia Villaverde (Spáni)

 

Tillaga: 58

Auðkenni: 66998

Þátttakendur voru:

                        Carlos Lorenzo Leon (Spáni)

                        Loïc Baron (Frakklandi)

                        Sylvain Richard (Frakklandi)

Meira